الخميس، 30 أبريل، 2009

حــرم النـــــور - بقيـــت جافي





بقيت جافي - نسيت الخوه


سلام مافي - والقليب شن سوا؟!

****************

(( أنا الجنـيــــــــــــــــــــــــت ))

أنا الجنّـيـــــــــــت - ودّرت شبابي

بقيت ما هاميك - كفاية عذابي

أنا الجنّـيـــــــــــت - فقدت شبابي

بقيت ما هاميك - كفاية عذابي

بقيت ما هاميك - كفاية عذابي

ياخي نار الشوق - ما بتقول ده عقابي!

*****

بقيت جافي - نسيت الخوه

سلام مافي- والقليب شن سوا؟

*****

بقيت بتمر بالسنه بي

تزيده دلالك وأزيده غرامي

تزيده دلالك وأزيده غرامي

براي في الشوق نار غرامي دامي !

((( وطول ياليـــــــــــــــــــــــل ))

طول الليل أغالب همي

زيدني بعيد – وما مهتمي

فداك يا جميل بروحي ودمي

*****

بقيت جافي- نسيت الخوه

سلام مافي والقليب شن سوا؟

سلام مافي

والقليب شن سوا؟!



الثلاثاء، 28 أبريل، 2009

عصام محمد نور - قصه حب





كل لحظة
بتمر على
انت فى خاطرى
وعينى
انت في فني
البعيشه
فى المدى
فى الابدية

قدر ما احاول اخاصمك
وانسى احزانى واساها
واكتم الغيرة الفى قلبي
واطوى جرحى فى الحنايا

القي اثرك فى حواسى و خطاى
القى كل الدنيا حولى
تهاتي بي
باسمك معايا

فى حياتى قبلك انت
عشت قصة حب قاسية

لسه ما زالت بقلبي
ذكرياتها المره باقية

لما هليت في وجودي
وقلت بيك سعادتي باقيه

لكن انت هدمت املى
بعد عشره
نبيله ساميه

انا لوعارف خصامك
لى ايامه بتطول
كنت ما اترددت لحظة
لما حار بى الدليل

انسى ظلمك وارجى حلمك
وانسى كل الراح قبيل
اصلوا حبك فوق ارادتى
اصلوا ريدك فوق ارادتى

حب جاوز المستحيل



الاثنين، 27 أبريل، 2009

شرحبيل احمد - بتقول مشتاق





بتقول مشتاق
مشتاق
مسكين الشوق
لو ذي شوقك
اسبوع بي حالو
ولا تسال
ياسيدنا
ولا تفكر توصل
بتقول مشتاق
مشتاق

في غيابك ياما سالت عليك
في السكه
حتي كل المارين
لو شافوا عيونك في ناسيه
وعرفوا متين
وجو الحلوين

ما الشوق غلبنا وفاتنا وراك
واحترنا معاك
واحشنا وديمه عليك سالين
بتقول مشتاق

بالصدفه نقابلك
ذي نسمه
في عز الصيف
فارده جبينا
وتبادر بي عتابك
تزعل
وتقول ناسيين
نحنا بقينا

ما انت كمان
برضك ناسي
اسبوع لا نشوفك
ولا تجينا
وعشان عارفنا بنغفر ليك
ونشتاق ليك
بتتمادي وتتدلل فينا
بتقول مشتاق
مشتاق
مشتاق

مي عمر - اي صوت زار بالامس خيالي






اي صوت زار بالامس خيالي ؟؟

طاف بالقلب و غنى للكمال

واذاع الطهر في دنيا الجمال

و اشاع النور في صوب اليالي

انه صوتي انا
اوا تدري من انا ؟

انا ام اليوم اسباب الهنا
انا من دنياكم احلي المنى

كل حب في الورا رجعو حناني
كل نبع دافق بالحب جاري

من ينابيع يغذيها اهتمامي
انا نصف قد حوى كل المعاني

من يناديني انا ؟؟

زادني العلم سنا

فلنحقق كلنا
ما نردي من منا
نحو سودان كبير
نحو سودان جميل

يا شباب الغد اسمعني جوابك
يقتنيه الجيل في الدنيا كتابا

اين عزمي ؟!؟

من فتاة مستمدون

فهي زادي
مرأه
من صفاتي

فاطمئنى يا فتاتي

كل ما بات
يرتجع

فاغسلي النا من الفنل

فلتعد .. و لتعود لنا فرحة العيد و الامل

سوف نلقى سلم المجد رقيا

و نفيض العلم ينبوع الروية

ثم ندعو للتلاقي سوية

و نربي النشأ و السادة القوية

اي صوت زار بالامس خيالي ؟؟

طاف بالقلب و غنى للكمال

واذاع الطهر في دنيا الجمال

و اشاع النور في صوب اليالي

انه صوتي انا
اوا تدري من انا ؟

انه صوتي انا

انه صوتي انا



احمد صادق - غريبه الدنيا





اقول الكلمة ما تاهت خلاص في الظلمة
واعاتب الليل دا ما ليلاً طويل يا سلمى

انت ما شفتي العلي دوام عشان حبك بقاسيهو
بصابح في خيالك ديما وارجى اليل اماسيهو
واخاطب في سراب الحب ومرات اقسو جافيهو
اكفكف في دموع الشوق نكدي الما بخليهو

حبا ضاع كما ضاعن سنينا اليوم بنحكيهو
تقول كان الحديث بينا نخاف النسمة تفشيهو
وانتي ليه يا سلمى يا ظالمة بتكوي قليبي تطويهو
تحرك روميو من قبرو وعنتر في بواديهو
غريبة الدنيا غريبة الدنيا

كم عاشق صبح طربان تبكيهو
وكم قلباً منور شوق وتطفيهو
وكم وعداً يقرب يبقا تلغيهو

غريبة الدنيا غريبة الدنيا

حليل شوقي وعيانتك تلاقيهو
يدور يرجع وتحلف ما تخليهو
وياما عشت في نشوة قبل ما حبي تنسيهو
وياما اتدفقت عبرات تزكي حنانا ترويهو

وغريبة الدنـــــــــــــــيا
***

ابوطالب بالاشتراك مع ندي القلعه - خاينه يا دنيا





رحت خليتنا
تاني ما جيتنا
لو مغالطنا
ما مصدقنا
أسأل العنبة الرامية فوق بيتنا

خاينة يا دنيا وظالمة يا دنيا
قاسية يا دنيا وظالمة يا دنيا

قلنا نتصبر
لا لا ما بنقدر
الصبر قاسي والمحبة قدر

الزمن غدار
ظلمه ما بندار
حني يا دنيا
واقبلي الأعذار

خاينة يا دنيا وظالمة يا دنيا
قاسية يا دنيا وظالمة يا دنيا

قلنا للقمرة
سافري من بكرة
ختى في قلبه
شتلة الذكرى

خاينة يا دنيا وظالمة يا دنيا
قاسية يا دنيا وظالمة يا دنيا

وانت عارفنا
ده العذاب شفناه
الشقا وعشناه
الله يغفر ليك من ضياع ريدنا

خاينة يا دنيا وظالمة يا دنيا
قاسية يا دنيا وظالمة يا دنيا

قلنا نتصبر
لا لا ما بنقدر
الصبر قاسي والمحبة قدر

خاينة يا دنيا وظالمة يا دنيا
قاسية يا دنيا وظالمة يا دنيا

المطر رش
الغمام خش
كانت آمالنا
نحيا في عشة

خاينة يا دنيا وظالمة يا دنيا
قاسية يا دنيا وظالمة يا دنيا
***

الأحد، 26 أبريل، 2009

بكري المغربي - يا مسافر وناسي هواك




يا مسافر وناسي هواك
ارواحنا وقلوبنا معاك
اضناني الغرام والبين
يا روحي الفراق لي متين
قضيت عمري كلو حزين
عايش على زكراك

يا مسافر وناسي هواك
ارواحنا وقلوبنا معاك

عديت انا نجوم الليل
في خدودي الدموع بتسيل
ويالفارقت ارض النيل
يرعاك الله يا ملاك

يا مسافر وناسي هواك
ارواحنا وقلوبنا معاك

في عيونك سلاح مشهور
لمعان الخدود بالنور
ننساك اصلو ما معقول
نسلاك اصلو ما معقول

يا مسافر وناسي هواك
ارواحنا وقلوبنا معاك

لو ضاعت حياتي فداك
طارين للهوى وعهدو
حافظين بالشهود وعدو
العاشق يدوم سعدو
لو دام يا حبيبي هواك


زيدان ابراهيم - يا غاليه







ما اصلو ريده اصبح حياتي
من يوم فؤادي لهواها انهدي
وانا عايش اقاوم في الظروف
راجيها تعطف وتحن للنداء
ماكان محال اهديها الغرام
او ابقي راهب ليها واعبدها

يا غالية يا زينة حياتي
مشتاق لشوفتك لي زمن
وانت عارفة شبابي كلو
وهبتو لي حبك تمن
ألقاك متين وحياة سنين
واتهني بي قربك زمن

لما تهيمي بالبسمة تتفجر
بسيماتك درر
تلقينا في غربة وشجن
تايهات قلوبنا بلا سفر
تملآ من بعدك لهيب
ماصبرنا من بعدك ودر
من بعدك إنتي يعيش منو
ومن تاني مين يتمني العمر



زكي عبدالكريم - حلات بلدي




حلاة بلدي وحلاة نيلا
حلاتا بشيلا في قلبي
واشيل طنبوري غنيلا
حلاة الساقية لما تدور
تكب الموية تروي الطين
حلاة تربالا لمن يسقي
في الحيضان شمال ويمين
مشمر ساعدو طول الليل
عشان الخير يكون خيرين
حلاة بلدي وحلاة ناسو
حلاة الطيبة والطيبين
ونيلاً ما نضب نبعو
على مر القرون منساب
حبابو العشنا خيراتو
تدفق لا فتر لا شاب
حبابو البجري في دمانا
مدى الايام ولسة شباب
حلاتو البيهو تاريخنا
حضاراتنا بشيلا كتاب
وبي طنبوري غنيلا
اردد قول ياليل
حلاة بلدي السمح طينا
هواها عليل
جمالا نديم
مساحتا فيها مليون ميل
حباب الفي الجنوب
جنات تعانق في شمالا نخيل
حلاة الفي الوسط عمران
مشاريع تحكي نهضة جيل

حلاة بلدي

***

خالد محجوب - سفاين الشوق






لوحتي بي أيـــــدك
وبي شوق مواعيدك
غنيتي للياســـمين
ما أحـــلى تغــريــدك
عدي الفرح حزنـان
قبــال نهــار عيــدك
وخليت معــاك قلبي
شــايلا هو في إيـدك

عدت سفاين الشوق
وبقيـت بـراي راحــل
خليـت وراي روحي
هيمانة في الســـاحـل
وهامت نسـايم الليل
في الوردة بتغـــــازل
ودمع الفـراق نزاف
من قلبي كـان نــــازل

ســــفراً بـلا ميعـــاد
قـدر البريدو حــزيــــن
مكتوب تهب الريــح
تجرح ندى الياســـمين
يا ســـكة الأفـــــراح
لي متين وراك تايهين
والفرقـــــة دمعـة دم
تجرح عيــون حلويـن

مترجي ميعــــــــادك
زى طلــت الأعيـــــــاد
زى رنة الأجـــــراس
في لحظــة الميعـــــاد
كاتلني شـــوقاً ليـــك
أصلـو القليــب ريـــاد
جاييك مبشــر بيـــك
حاضـن نـدى الميعـاد









النور الجيلاني - صفوه جمالك





نور من جمالك بان
لانور شموس لا بدور
فقت المعاك في الجيل
فقت المعاك في الدور
يالفي علاك بعيد
وسماك سابع دور
ذقت الهلاك ياملاك
في هواك هلاكي بدور

صفوة جمالك
صافي الماء على البلور
ينعم صباحك خير
ويسعد مساك النور

يا فرحة المحزون
يا نفثة المصدور
مرآك يزيل الهم
ويمحي الاسى الفي الصدور
اسمح لي اتلو ثناك
الدر يفاخر الدر
ويفوح نشيدي الفيك
زي نفحة الريفدور
صفوة جمالك
صافي الماء على البلور
ينعم صباحك خير
ويسعد مساك النور
انا في شقاي ولهان
يالفي النعيم مغمور
فرش القتات ياجميل
سم تساوي جمور
يرضيني ما يرضيك
والناس امورها امور
محال اسيبو هواك
اذا السماء تمور
صفوة جمالك
صافي الماء على البلور
ينعم صباحك خير
ويسعد مساك النور
بين القلوب ميزان
صفا وزنها المعبور
قلبا يميلو الحب
وقلبا يميل مجبور
شخصا عشق انسان
وانسانه ما مخبور
شخص الوفا المفقود
ولفقده ماني صبور
صفوة جمالك
صافي الماء على البلور
ينعم صباحك خير
ويسعد مساك النور
طرفي السهير يا سمير
النوم يضره ضرور
وعذابي لو سراك
طبعا اكون مسرور
اوعد جفوني غميض
والطيف يزورني مرور
افرح واقول يا ليل
واشرح واحاكي سرور





______

محمد وردي - وسط الدائره




وسط الدايرة أجمل نايرة
خلي قلوبنا تطير
وارحلي بينا فراشة حنينة
بين زينات وعبير
ولما الخصلة تدور طربانة
تبقي حرير في حرير

فرحي خلق الله واتّنّي ياشبه القمرة
وارقصي رشي عبيرك فينا وفتحي يا زهرة

أرقصي زيدي الساحة سماحة
نحن معاك نشيل
نغني غناوي ..نحكي حكاوي
لما ندوب في الليل
لا ترتاحي لا تريحينا
لسة الوقت طويل

عمرك كل فرح يا زينة
شيلي من الأفراح وادينا
راقصي البسمة راقصي النسمة
خلي الموجة تدور بينا
أوعي تهدي
كمان اتحدي
يلا جميلك تمي علينا علينا


معتز صباحي - الابيض ضميرك





عشت متهيئ لحبك
كل أيامي وحنانا
ابتسامك عزيزة
بحرق الآهات عشانا
كنت شايلك في عيوني
باني ليك ارفع مكانه
بس لقيتك إنت جائر
تظلم الحب بالمهانة

إنت يا الأبيض ضميرك
صافي زي قلب الرضيع
في كلامك وفي ابتسامك
أحلى من زهر الربيع

الدموع السايلة مني
يا ما سالت حرقتني
والظنون الحارقة قلبي
كم شقتني وارهقتني
كنت بجني شقاك محنة
وأعشق أوهامي الطوتني
كم عينيك بابتسامة
للمآسي كم سقتني
***

طه سليمان - سنتر الخرطوم




سنتر الخرطوم يا..يا عوض دكام
السهر بالكوم يا..يا عوض دكام
اشتهينا النوم يا عوض دكام
حلوة دنيتنا وكل حاجة تمام
نحن ما ناسين.. للعهود فاكرين
للوداد طارين يا عوض دكام
حديثك الراقي ووجيهك البسام
في كلام يا عوض دكام
يوروب ونايل سات
كترو القنوات
الكلام بالجات يا عوض دكام
كلو بال تي في وخلو بال سيكام
وجينا للبوبار يا.. نلقى ناسو كتار
الحمام كان طار يا عوض دكام
سوا ليهو شمار كسبرة واوهام
كلام يا عوض دكام
وشوف لعيبتنا.. شينة كورتنا
الخمسة ماركتنا..
شوفو ناس كاكا وشوفو ناس بيكهام
في كلام يا عوض دكام
شوفو شاشتنا.. دي الشينة شاشتنا
شوف درامتنا السينما غلبتنا يا عوض دكام
شوفو ناس كايرو.. وشوف ناس الشام.. كلام
في كلام يا عوض دكام

السبت، 25 أبريل، 2009

ندي القلعه - السمحه ام ولدي





السمحة ام ولدي
دى السمحة ام ولدي بتشيل قفاي سندي
دى السمحة ام ولدي بتشيل قفاي سندي
بتعيش معاي راضية الله الله كان عندي وما عندي
دى السمحة ام ولدي
الحسيسة العشوره السامية في شعورها
الحسيسة العشوره السامية في شعورها
ماجابت ملامة الله الله وماقطعت الشورى
دى السمحة ام ولدي
الحسيسة الخدومة ماصارة قدومها
الحسيسة الخدومة ماصارة قدومها
ست بيت منجرية الله الله احماها مذمومة
دى الرايقة ام ولدي
راضية بالعيشة كان كسرة كان عيشة
راضية بالعيشة كان كسرة كان عيشة
وان مافي ماقالت الله الله ياناس د ماعيشا
دى السمحة ام ولدي
ما مرقت من جوى وماسوت العوى
مامرقت من جوى وماسوت العوى
ماليها بفلانة الله الله وفلان عمل سوى
دى السمحة ام ولدي
حكامة كان فتا رباية كان متا
حكامة كان فتا رباية كان متا
بتعيش وليداتا الله الله ماتجيهم الحتة
دى السمحة ام ولدي
كريمة يابنية كان جو ضيوف مية
كريمة يا بنية كان جو ضيوف مية
بالجود موجودة الله الله لو مافي بالنية
دى السمحة ام ولدي
ملساء ماغبشاء,ناعمة ماغبشاء,نايرة ما غبشاء
في راسي ماغدرت الله الله وما سوت الدوشة
دى السمحة ام ولدي
بتصلي صلواتا الخمسة في اوقاتا
بتصلي صلوتا الخمسة في اوقاتا
مانامت بعشاها الله الله لا يوم صبح فاتا
دى السمحة ام ولدي
دى الرايقة ام ولدي
الاصيلة ام ولدي
حامدة ما جاحدة الله الله كان عندي وما عندي
دى السمحة ام ولدي


مجموعه عقد الجلاد - ما ضهبت اقول لقيتك








ما ضهبت اقول لقيتك
وانتى فى كل الخواتم والمياتم
والنجيمات والعواتم
ما حزنت اقول بكيتك
نحن فى حزن المخاليق
والمغنين المطاليق
الفرح جاييك وعد
غنوة اولاد التحاريك
السعد ولا البعد
البعد ولا السعد
كنتى فى ليل الخوابى
تهاتى بينات الطوابى
تحاكى جقليب السعى
الجنيات خلو حجرك ريح يفوفى
وعين مزرزرة من شقى الفرح المرابى
ومنية الوعد الدعى
يا ديارى الوين ....أنى
تور عفين الشين .....أنى
ما اضينة وزين انى
تور عفين الشين انى
وانت فى شوفك تخاتل رفة الطير والحفيف
وانت فى خوفك تكاتل عينة الجلبت خريف
وانت فى لالوبة مصلبة البنيات
النسيمات الهفيف
وانت فى لالوبة مشنقة الوليدات
ناس نجومى ومحبس النفس الرهيف
بطنك كرشت غى البنات نافى
دقنك حمست جلدك خرش مافى
وكت الوهم نافيت .. صدق الوعد جافى
وكت العلم جافيت .. مر الصدق وافى
وكنا بنشيل الغباين والاناشيد
جهدية الاورطية
جهدية الحلبونا
شدو جمالم جونا
حلبنا ليهم سمسم
والسمسم ما كفاهم
جلبنالهم سعية
وجينا للبقعة ام قبايل
سيل من الوادى الكبير
الكفيف شايل الكسيح
يا عيون ود الضكير
واحدة من توشكى
تقلع
تانى تقلع فى المطامير
يا جبة الدرويش
البابا بسل العيش الله بسلا
والبابا خدمة الديش الله بسلا
البابا القول بى شويش
يا عيون ود الضكير
عماك فى حقك ديه
لى زمنا مو جهدية
جهدية الاورطية
جهدية الحلبونا
شدو جمالم جونا
وحلبنا ليهم سمسم
والسمسم ما كفاهم
جلبنالهم سعية
يا عيونى شن بتشوفى
ويا امونة شن بتشوقى
شدرا تال اليمامة
ولا الصقر الحمامة
ولا البطن التفوفى
يا امونة شن بتشوفى
ويا عيونى شن بتشوفى
جهدية وسيف وراية
تبروقة وخيل وشاية
اذان بالجوع اذن لى
ام خوفك فايت خوفى
يا امونة شن بتشوفى
ويا عيونى شن بتشوفى
تلت التلاتة شلق
تانى التلات محلق
والتالت جا يبشرنى
سرقوهو الدايرين حتوفى
يا امونة شن بتشوفى
ويا عيونى شن بتشوفى
شايفة الدموم واللمة
بين الدقون والعمة
ولانى فوق معلق
صقر الحدى مندوفى
يا عيونى شن بتشوفى
ويا امونة شن بتشوفى

***


سعد الحاج - حبــي ليــــك كان زادي









حبــي ليــــك كان زادي جـــــو الحنايــــــــا دفيــــــن

كنـت بضــاري من النــاس خايفـــه عليهو من العين

عليهو كنـــت بصـــوم وافطــــر عليهو بكابد النارين

كُـت بحســـب سنيـــن الغربــة لما تعـود تجيني متين

كُـت برجـــاك فـــوق النـــار وقتيـــن لقانـــا يحيـــــن

نونــس في بــــراءة اطفــــال في الحـــب ننهل زيــن

كل ما يـــوم يزيـــد البينــا لمـــا بقيـنا قـــاب قوسيـن

اتارانا كنــت فيــــك مخدوعــــه وكم زي مخدوعيــن

ما قايــلاك تلعــب بي تعيـــش اللحظــة بـس والحين

ما قايــلاك حبيــب الاف قلبـــــك قبـــــله للضاليـــــن

ما قايــلاك تنسى حبيــب صبــر راجيــك ستـة سنيـن

كيفـــن هـــان عليـــك تنساهو زولاً كان عليك حنيـن

تشغــــل بالــــك الاشـــواك لمــــن تذبــــل الياسميـن

كنت دايـــراك بسمه عريضه في وجه الزمان الشين

كنت دايـــراك ســـاعة الحارة تبقى ليِِِ دخري خزيـن

كنت دايـــراك مقنع حوبــــه وقتيــــن المضاره تبيـن

كنت دايـــراك فارس احـــلام تشــــــاركني نتم الديـن

كنت دايــراك شريــك الروح اخدمــك حافية القدميـن

كنت بحلم بك وانــــت معاي مجيرتك بالعديل والزين

وانا جنبك في شمالك قاعــدة نسمع في دقـر يا عيـن

تبشــــر زيـن مع الأصحـــاب تشبـــل مـن الوزيـــــن

وانا الابحرت راكب الموج فيك مرساي بين موجتين

وداعاً يا ســـراب خــــداع محل ما بتروي عطشانين

وداعاً يا حلـــم عابـــــــر يسعــــد يفـــــــرح النايمين

وداعاً يا كلام معســـــول حــــده مكمنـــو وشفتيــــن

وداعاً يا سحابة صيف شايـلو وما بترضي لينا رهين

تبشــر بي خريـــف جايينــا يامــا الناس رجوه سنين

كل زولاً يفكــــر فيـــها ما معـــــروفه تنــــزل ويـــن

والف سلام عليــك ياقلبي المسالم وديمه ضمه حنين

يتاورو الشــــوق ويلعب بيهو تنحر في حشا السكين

تعاودو الذكــرى تنتـــر جـــوه وحالو يحنن المسكين

اخيراً ليــــك الـــف ســـلام قبـل ما تجف دموع العين

قبــــال مني ما تعــــدي قبــال الفــــراق ما يحيــــــن

بخيـت وسعيد عليـــك انشاء الله يبقـــالك عمار بنين

وقلبي خليــــوه في اناتـــو بعــدك ياما راجيوه انيــن

لوكان ياقلــــــب حبيـــــت بعد وبعد ما اقسمت يميـن

ان شاءالله ما ينتـم ليـــك مراد لا ضوق لا حلو لا زين

وعمــــرك ما تجيــــك سعــادة ماتتهنــــأ قـــول آمين

وتاني الحــــب عليـــك حرمان وعد الحر أمانه ودين